இங்கே விழும் மழைத்துளி
என்ன சொல்லி விழுகிறது
சுவரங்கள் சொல்லி விழுகிறது
என்னுள் விழும் மழைத்துளியோ
உன்னை சொல்லி விழுகிறது
நம் மேல் விழும் மழைத்துளி
காதல் சொல்லி விழுகிறது
மண்ணில் விழும் மழைத்துளி
பசுமை சொல்லி விழுகிறது
விதையில் விழும் மழைத்துளி
விருட்சம் சொல்லி விழுகிறது
குழவியில் விழும் மழைத்துளி
அன்னை ஸ்பரிசம் சொல்லி விழுகிறது
பணத்தில் விழும் மழைத்துளி
ஏழை கண்ணீர் சொல்லி விழுகிறது
மலரில் விழும் மழைத்துளி
கைம்பெண் கண்ணீர் சொல்லி விழுகிறது.
மொழியில் விழும் மழைத்துளி.
கவிதை சொல்லி விழுகிறது.
கடலில் விழும் மழைத்துளி
மீனவன் கண்ணீர் சொல்லி விழுகிறது.
சிப்பிக்குள் விழும் மழைத்துளி
முத்தை சொல்லி விழுகிறது.
என்ன சொல்லி விழுந்தாலும்
உன் வீழ்தல் எழுதலேயாகும்.
-
- அன்புடன் லீலா
No comments:
Post a Comment