மழைக்காடுகள்……………………..

வணக்கம் நண்பர்களே…………

இன்னைக்கு முக்கியமான அதே நேரத்தில் சுவாரசியமான ஒன்றைப்பற்றி பேச போகிறோம்,அதோடு தேவையான செய்தியும் கூட……………..
             

காடு என்றால் என்ன? என்று கேட்டால் நிறைய மரங்கள் இருக்கும், மிருகங்கள் இருக்கும்,காடு இருந்தால் மழை வரும்  என்பது தவிர  பெரிய புரிதல் இல்லாமைதான் இன்றைய தட்ப வெட்ப சூழலின் சீர்கேட்டுக்கு காரணமாயிற்று.

மழைக்காடுகள்

                                                     

முதலில் காடு,வனம்,கானகம்  என்றால் ஒன்றா வேறுவேறா? என்பதை பார்ப்போம்………

காடு என்பது மனிதனின் முயற்சியாலும் உருவாக்க முடியும். இதை ஆங்கிலத்தில் forest  என்று சொல்கிறோம். காடுகள் சூரிய ஓளி ஊடுருவ கூடியவை.

வனம் என்பது  தன்னியல்பில் உயிர்கள் தோன்றிய காலத்திலிருந்து செழித்து வளர்ந்தது தான் வனம், இங்கு பல்லுயிர்களின் பெருக்கம்  இருக்கும். இதை ஆங்கிலத்தில் Jungle என சொல்வார்கள். வனத்தை ஒரு நாளும் மனிதனால் உருவாக்க முடியாது. வனம் அல்லது கானகத்தில் சூரிய ஒளியின் ஊடுருவல் இருக்காது.

சூரிய் ஒளி ஊடுருவாத அடர் மரக்கவிகை

               

கானகம் என்பது மலை சார்ந்த பகுதியில் உள்ள வனம்தான் கானகம்.

இதில் மழைக்காடுகள் எதில் சேரும் என்று பார்ப்போம்…………..

மழைக்காடுகளை சோலைக்காடுகள் என்றும் கூறுவது உண்டு. ஆங்கிலத்தில் Rain forest or Shola forest  என்று கூறுவர். இந்த மழைக்காடுகள் வனம் அல்லது கானகம் என்று சொல்லும் தன்னியல்பு காடுகள் இதை மனிதனால் உருவாக்க முடியாது.

மழைக்காடுகள் ன்னு சொல்றோமே ஏன்?

ஏன்னா, பேருக்கேத்த மாதிரி மழையை தரக்கூடிய காடுகள் இவை.

அப்போ மழை குறைஞ்சிடுச்சே?

ஆமாம் மழை குறைஞ்சிடுச்சி ஏன் எனில் மழைக்காடுகள் மரணித்துக் கொண்டிருக்கின்றன.அதை மனிதனால் உருவாக்க முடியாது.

                                         

மழைக்காடுகள் என்பதை எப்படி அறிவது?

நண்பர்களே நாம இப்போ வனத்திற்குள் போக போறோம்,அதற்கு தேவையான உணவு,தண்ணீர்,கம்பூட்,மற்றும் முதலுதவி பெட்டியுடன் தயரா…………

இது  ஒரு எதிர்பாராத பயணமாக இருந்தாலும்,உற்சாகமான பயணமா இருக்கும் வாங்க போகலாம். பயமாயிருக்கவங்க,ஒருத்தர் கையை ஒருத்தர் பிடிச்சிக்கோங்க, அப்படியே எனக்கு பின்னால் வாங்க……….

மேடம் மரமெல்லாம் உயரமா இருக்கே

மழைக்காடுகளின் முதல் அடையாளம் உயரமான மரங்களும்,அதன் அடர்வான மரக் கவிகையும் ஆகும் (Canopy).இது உலகத்தின் பகுதியில் 6% சதவீதம் மட்டுமே உள்ளது,எனினும் உலகித்திலுள்ள பாதி அளவுக்கு மேலான தாவரங்கள் மற்றும் விலங்கினங்கள் இந்த மழைக்காடுகளில்தான் இருக்கின்றன.

 பார்த்து மெதுவா வாங்க…….

லீலா,இது மண் மாதிரி இல்லையேப்பா….

ஆமாம்  அது மண் இல்லை,இங்குள்ள இலைகள் விழுந்து மட்கி போய் மருநிலமா இருக்கு,லேசா மழைச்சாரல் எப்பவுமே இருக்கும்,காலை அழுத்தி வச்சு கவனமா வாங்க.இந்த மண் மழைக்காட்டின் இரண்டாவது அடையாளம்.

மழைக்காட்டின் மண்

             

குளுகுளுன்னு இருக்கு இல்லையா இது மழைக்காடுகளின் மூன்றாவது அடையாளம்….

அதாவது உயரமான மரங்கள் அடர்ந்த மரக் கவிகை,மட்கி போன இலைகளால் ஆன மண்,குளுமையான பகுதி இதுதான் மழைக்காடு இல்லையா லீலா…

Exactly தோழரே….அப்படியே சூரிய ஓளியும் இல்லைபாருங்க…

லீலா! லீலா!

என்ன மேடம்,ஏன் என்ன ஆச்சு இருங்க வரேன்…….

அட அட்டை ! சரி பயப்படாதீங்க,இருங்க அதை எடுத்திடுறேன்….

ரத்தம் லீலா, பயமாயிருக்கு.

ஆமா, இனிமே வராது அட்டைய எடுத்திட்டேன்ல…

பயப்படாம  வாங்க……

சரி கொஞ்சம் உட்காருங்க..

இந்த வனத்தில் கிட்டதட்ட 30ஆயிரம் வகை தாவர மற்றும் விலங்கினங்கள் உள்ளன Exotic flowers  மற்றும் அழகிய மலர்கள் எல்லாம் இங்கே இருக்கு.

BROMELIADS

Add caption

              

தினசரி நாம் பயன்படுத்தும் பல உணவு,மருந்து ஆகியவை இவ்வகை வனத்தில் இருந்துதான் கிடைக்கின்றன.

உரங்குத்தான்

எடுத்துக்காட்டாக சாக்லேட்,பட்டை லவங்கம், ரப்பர்,அன்னாசி பழம்,மருந்து வகைகள்.

ரப்பர் மரம்

                 

லீலா கொஞ்சம் தண்ணீ கொடுங்க….

இருங்க தோழிகளே…. வனத்தில் நடந்து பழக்கமில்லாத காரணத்தினால் மூச்சு வாங்கறீங்க,இந்த ஜில்லுலேயும் வேர்க்குது பாருங்க…வாயால மூச்சு விடாதீங்க,மூச்சு சமன் ஆன பிறகு தண்ணி குடிங்க

சரி நடங்க….

CARNIVEROUS PLANTS

               

  

எப்படி இந்த வனத்திற்குள் குளுமை,இருட்டு,ஈரப்பதம் என்ற ஒரு அற்புதமான சூழல் எப்படி வந்தது என்பது பற்றி சொல்றேன் கேளுங்க.

சூரியனின் கதிர்கள் நேரடியாக,காற்றை சூடாக்காது அல்லது வெப்பப்படுத்தாது,மாறாக

 இவ்வனத்திற்குள் சூரிய வெளிச்சம் ஊடுருவி புகாததால் மண்ணில் உள்ள நீர் எளிதில் ஆவியாவதில்லை,இதனால்தான் மண் எப்போதும் ஈரப்பதத்தோடு இருக்கிறது,அதோடு காற்றின் ஈரப்பதத்தையும் நிலையாக வைத்திருக்கிறது.

வெற்று நிலத்தின் (barren land) மீது இந்த சூரிய கதிர்கள் படும்போது நிலம் சூடாகி அதனால் நிலத்தையொட்டியுள்ள காற்றும் சூடாகிறது,அப்படி சூடான காற்றின் அடர்வு குறைவினால் மேலேறும்போது வளிமண்டலம் சூடாகிறது. ஆனால் நிலம் மரங்களால் போர்த்தப்பட்டிருந்தால், அதன்  வெப்பநிலை குறிப்பிட்ட அளவுக்கு மேல்  காற்றின் வெப்பநிலை உயராது.மரங்கள் நீராவியை வெளியிட்டு மரங்களின் மீது படும் வெப்பத்தை தணித்துக்கொள்கின்றன. வனத்தில் உள்ள மரங்களின்  உயரமும்,அடர்த்தியும் அதிகரிக்க அதிகரிக்க,உட்புற குளுமையும் அதிகரிக்கிறது.

                                   

  இந்த வனத்திலுள்ள மரங்கள் சுமார் 200 அடி உயரம் இருக்கும்,இந்த மரங்களுக்கு உச்சியில் அடர்வான கிளைகளுடன் கூடிய இலைகள் உண்டு,ஆனால் இதன் தண்டு(Trunk) பகுதியில் கிளைகள்  கிடையாது.மரக் கவிகை(CANOPY) ஒரு குடை போல் விரிந்திருப்பதை பாருங்கள்.

இந்த வனத்தில் உயிரினங்கள் மூன்று நிலைகளில் வாழ்கின்றன.அதாவது அடர்ந்த மரக்கவிகையின் மேல் இருவாச்சி பறவைகள், உரங்கொட்டான் போன்ற குரங்கு வகைகள், வாழ்கின்றன.

இரண்டாவது தரைப்பகுதி(forest floor) இப்பகுதியில் மான்,சிறுத்தை,யானை,காட்டு எருது போன்ற பல்வேறு உயிரினங்களும் வாழ்கின்றன.
                   

மூன்றாவது, வனத்திலுள்ள நீர்நிலைகளில் வாழக்கூடிய அரிய வகை

மீன்கள்,  நீர்நில வாழ்விகள்(Amphibians) போன்ற உயிரினங்களும் வாழ்கின்றன.

EMERGENT LAYER

The tallest trees are the emergents, towering as much as 200 feet above the forest floor with trunks that measure up to 16 feet around.   Most of these trees are broad-leaved, hardwood evergreens. Sunlight is plentiful up here.  Animals found are eagles, monkeys, bats and butterflies.

 

 CANOPY LAYER

This is the primary layer of the forest and forms a roof over the two remaining layers.   Most canopy trees have smooth, oval leaves that come to a point. It's a maze of leaves and branches.  Many animals live in this area since food is abundant.   Those animals include: snakes, toucans and treefrogs.

UNDERSTORY LAYER

Little sunshine reaches this area so the plants have to grow larger leaves to reach the sunlight.   The plants in this area seldom grow to 12 feet.  Many animals live here including jaguars, red-eyed tree frogs and leopards.  There is a large concentration of insects here.

 FOREST FLOOR

It's very dark down here.  Almost no plants grow in this area, as a result.  Since hardly any sun reaches the forest floor things begin to decay quickly.  A leaf that might take one year to decompose in a regular climate will disappear in  6 weeks.   Giant anteaters live in this layer.

 

இந்த அற்புதமும், உயிரினங்களின் செழிப்பும் இயற்கையின் பெருங்கொடை,இந்த பெருங்கொடை தரும் அற்புதம்தான் மழை,இந்த மழையை வேறு எந்த வனத்தினாலும் தர இயலாது.
         

ஆனால் இத்தகைய அற்புதத்தை,மனித இனம், இல்லை இல்லை உலகின் அனைத்து உயிரினங்களின் உயிர்நாடியினை நாம் பாதுக்காக்கிறோமா?

லீலா,நீண்ட தூரம் வந்துவிட்டோம் போலிருக்கிறதே…………..

ஆமாம்…..

திரும்பி செல்ல வழி தெரியணுமே

கவலை படாதீர்கள்….மதி கெட்டான் சோலை இல்லை இது……..

சரி உட்காருங்க கொஞ்ச நேரம்….

இந்த வனத்தின் மரணம்...

இல்லை தானாக நிகழந்தால் தான் மரணம். இது மரங்களின் படுகொலை.

ஆம் அதைதான் இந்த மனித குலம் நிகழ்த்தி கொண்டிருக்கிறது.

மரங்களை வெட்டி,காகிதம் செய்து,அதில் மரத்தை வெட்டாதே என எழுதும் மாபெரும் அறிவாளி சமூகம் தான் நாம்.

மழைக்காடுகள் எங்கெங்கு உள்ளது என்பதை பார்ப்போம்.

மத்தியஅமெரிக்கா,அமேசான்,ஆப்பிரிக்கா,தென் ஆசியா,ஆஸ்டாலாசியாஆகிய பகுதிகளில் மழைக்காடுகள் உள்ளன.  கீழே கொடுக்கப்பட்டுள்ள உலக வரைப்படத்தில் அடர் பச்சை வண்ணத்தில் இருப்பவை மழைக்காடுகள் ஆகும்.

         

சரி எங்கெங்கே இருக்குன்னு சொன்னேன் இப்போ அதை பற்றி சொல்றேன்………..

மத்திய அமெரிக்கா:

ஒரு காலத்தில் இந்த பகுதி முழுவதும் மழைக்காடுகளாக இருந்தது. பின்னாளில் கால்நடைகளின் பண்ணைகளுக்காவும், மற்றும் கரும்பு பயிடவும் இந்த வனம் அழிக்கப்பட்டது.

                                                

மத்திய அமெரிக்காவின் வனத்திலும்,சதுப்புநில காடுகளிலும் வெப்ப மண்டல பறவைகள் குறிப்பாக பல்வேறு வகையான கிளிகள் இங்கு உண்டு.

அமேசான் வனம்:
                                       

அமேசான்  வனம்தான் உலகின் மிகப்பெரிய வெப்ப மண்டல மழைக்காடு ஆகும்.உலகின் இரண்டாவது மிக பெரிய ஆறான அமேசானின் வடிநிலம் முழுவதும் இவ்வனம் தான்.உலகின் 1/5 பங்கு தாவர இனங்களும்,பறவைகளும்,1/10 பங்கு பாலூட்டி வகைகளும் இந்த அமேசான் வனத்தில்தான் உள்ளன.

மத்திய ஆப்பிரிக்கா:

உலகின் இரண்டாவது பெரிய மழைக்காடு இதுதான்.மபெரிய தீவான மடஸ்கார் மிகவும் அடர்வான வனமாக இருந்தது,ஆனால் இப்போது அழிய துவங்கிவிட்டது.


                 

மடஸ்கார் தீவில் உயர் மேகக் காடுகள்,சதுப்பு நிலக்காடுகள்,வெள்ளகாடுகள் நிறைந்த பகுதியாகும்.உலகில் எங்கும் காண இயலாத அரிய வகை தாவர வகைகளும்,விலங்கினங்களும் இங்கு உண்டு.

மேக காடுகள்

வெள்ள காடுகள்

   

தென் ஆசியா:

ஆசியாவின் மழைக்காடுகள் இந்தியாவிலும்,மலேசியாவின் மேற்கு பகுதியாக இருக்கும் பர்மாவிலும் மற்றும் ஜவா மற்றும் போர்னீயோ தீவின் கிழக்கிலும் உள்ளன. உலகின் அதிக அளவிலான சதுப்பு நில காடுகள் பங்களாதேஷில் உள்ளன.

.

சதுப்பு நில காடுகள்

 

தென்கிழக்காசியாவில் வருடம் முழுவதும் சூடான மற்றும் ஈரபதமுள்ள பருவநிலையும்,ஆசியாவின் முக்கிய பகுதிகளில் மித வெப்ப மண்டலமாகவும்,தொடர் பருவ மழையை தொடர்ந்து வறட்சி வரும் பகுதியாகவும் உள்ளது.

ஆஸ்ட்ரேலியா:

மில்லியன் ஆண்டுகளுக்கு முன்பு,ஆஸ்ட்ரேலியா,நீயுசிலாந்து,மற்றும் புது ஜீனியாவின் தீவுகள் தான் தென்கண்டத்தின் பெருங்காடுகளை உருவாக்கின.இன்று வேறெங்கும் காண இயலாத விலங்குகள் உள்ளன.

                         

ஆஸ்ட்ரேலியாவின் வெப்ப மண்டலக் காடுகள் மிகவும் அடர்வானது,பசிபிக் பெருங்கடலிருந்து ஈரக்காற்று  வீசும் வழியில் உள்ளது.

இந்த காடுகள் எல்லாம் இருக்கும் போது ஏன் மழை வரவில்லை?

இந்த காடுகள் அழிந்துக்கொண்டிருக்கின்றன,அதை பற்றி சொல்றேன் கேளுங்க……………

ஒரு கவிஞன் எழுதினான்,

அய்யோ,

அந்த பியானோவை வாசிக்காதீர்கள்,

அதில் இருவாச்சியின் கதறல் கேட்கிறது. என்று

எத்தனை உண்மையான துயரமிகு வார்த்தைகள்.

மழைக்காடுகளில் ஒவ்வொவ்வொரு மரம் வெட்டுப்படும் போதும் இருவாச்சிகளின் கதறல் காற்றில் கரைந்த வண்ணம் இருக்கிறது.

பெரு மரங்கள் வெட்டுப்படும் போது பல்லாயிரக் கணக்கான சிறு மரங்கள்,தாவரங்கள் மீது சாயும் போது வனத்தின் அழிவு ஒரு பூகம்பம் போல்,ஒரு சுனாமி போல் வனம் அதிர்ந்து ஓய்கிறது.மரங்களின் குருதியின் வீச்சம் தூக்கம் கெடுத்து நாசிகளை வருத்துவது……..

              

வனம் அழியும்போது உயிரினங்களின் கூக்குரல்,

நம்மை நோக்கி கொடுக்கப்படும் அபாய ஒலியல்லவா?

சரி நடங்க…………

வனம் என்றாலே வெட்டு மரங்களுக்காக என  நினைத்து கொள்வதுதான் பிரச்சனையின் ஆரம்பம்…

                 

இப்படி ஒரு பெரும் வனம் அழிக்கப்படும் போது அங்குள்ள சிறு தாவரங்களால் மீண்டும் அத்தகைய வனத்தை உருவாக்க இயலாது, ஏனெனில்,பல்லாயிர ஆண்டுகளாக இருட்டிலும்,ஈரப்பதத்திலும் வளர்ந்த தாவரங்கள், பெரும் மரங்கள் வெட்டப்பட்ட பின் வரும் சூரிய ஓளியை தாக்குப் பிடிக்க முடியமால் அழிந்து விடும்.

அங்கு வாழ்ந்த பல உயிரினங்களும் இடம் பெயர்ந்து வேறு பகுதிக்கு சென்றுவிடுவதால் உயிரினங்களின் செறிவும் அழிந்துவிடுகின்றன.

இயற்கையான மழைக்காட்டை அழித்த பின் ஒரு போதும் மழைக்காட்டை மனிதனால் உருவாக்க முடியாது.பெரு மரங்களை அழித்து விட்டு மறு காடு உருவாக்குவது என்பது ஏமாற்று வேலைதான்.

மரங்களை விற்பதன் மூலம் வரும் வருமானம் ஒரு பக்கம்,பெரும் நிலப்பரப்பு கிடைக்கும் அதுவும் இவ்வனத்தின் அற்புதமான மண் வளமும் கூடுதல் பரிசாக கிடைக்கும்,அதோடு சில வனங்கள் கனிம சுரங்கங்களாகவும் மாறும்,மேலும் இந்த நிலப்பரப்பில் பண பயிர்களை பயிரிடுவதும் இன்னொரு புறம் என பல்வேறு காரணங்களுக்காக வனங்கள் அழிக்கப்படுகிறது.

           

ஒரு வளமான அரை அங்குல மண் உருவாக பல்லாயிர ஆண்டு காலமெடுத்துக் கொள்கிறது.,இதில் பண பயிர்களை பயிரிடும் போது முதல் அறுவடையின் போது செழிப்பான பயிர்கள் கிடைக்கும்,இம்மண் வளம் சில ஆண்டு காலம் கிடைத்தாலும்,மரக்கவிகையற்ற இந்நிலத்தில் நேரடியாக பொழியும் மழையால் நாளடைவில் மண்ணரிப்பால் இவ்வளம் அகற்றப்படுகிறது.

SOIL PROFILE.

               
இப்படி பெரு மரங்களை வெட்ட அனுமதியளித்துவிட்டு,ஆங்காங்கே சிறிதளவு காடுகளுக்கு  பாதுக்காப்பு அளிப்பதன் மூலம்,அவ்வனம் முழுதும் சுதந்திரமாக அலைந்து திரிந்த உயிரினங்கள் ஒரு குறிப்பிட்ட  பகுதிக்குள் முடங்க வேண்டிய நிர்பந்தம் ஏற்படும் போது, தரைவாழ் உயிரினங்களின் உணவு சுழற்சியில் தடை ஏற்படும்,பறவைகளின் வலசை மற்றும் விலங்கினங்களின் பாரம்பரிய வழித்தடங்களும் பாதிப்பு அடைகின்றன.

              

சரி நண்பர்களே! யானையின் மணம் வருகிறது,அருகில் இருப்பதற்கான வாய்ப்பு இருக்கிறது.கவனம்………….

மேலும் காடுகள் பெருகுவது தடைப்படும்?

எப்படி மேடம்?

பெரு மரங்களின் மரக்கவிகையில் வாழும் பறவைகள் கூடிழந்து வேறு இடம் பெயர்ந்து விடுவதால் எச்சத்தின் மூலம் விதைகள் பரவுவது தடைப்பட்டு விடுகிறது,அதே போல் மகரந்த சேர்க்கையும் முற்றிலும் தடைப்படுவதால் பாதுக்காக்கப்பட்டதாக சொல்லப்படும் வனங்களின் பரப்பளவும் நாளடைவில் குறைந்துவிடுகிறது.

                   

உலகத்தில் மித வெப்பமண்டல காடுகள் இருக்கும் நாடுகள் எல்லாம் ஏழை நாடுகளின் பட்டியலில்தான் உள்ளன.எ-கா: ஆப்பிரிக்கா

இத்தகைய ஏழை நாடுகள் தன் வருமானத்திற்காக காடுகளை அழிப்பதாக ஒரு மாயை உருவாக்கப்படுகிறது,ஆனால் உண்மை வேறு…………

சில பன்னாட்டு வங்கிகள்,நம் நாட்டின் வளர்ச்சிக்காக மிகுந்த அக்கறையும்,கவலையும் கொண்டு நமக்கு கடன் கொடுக்க,அதை கட்ட திணறும் போது,பன்னாட்டு வங்கிகளுடன்  உறவு கொண்டிருக்கும் பன்னாட்டு வணிக நிறுவனங்கள்  நமக்கு உதவ முன் வருவதும்,அவர்கள் காட்டை,நீர்நிலைகளை அழிக்க கூடிய  தொழிலை அபிவிருத்தி செய்து,அதன் மூலம் வரும் வருவாயில் பெரும் பகுதியை அந்நிறுவனங்களே விழுங்குவதும் சொல்லி தெரிய வேண்டியதில்லை.

மலையில் மூன்றில் இரண்டு பங்கு வனமாக இருக்க வேண்டும்.ஒரு நாட்டின் மொத்த நிலப்பரப்பில் 33 சதவீதம் காடுகள் இருக்க வேண்டும்,அப்படியிருப்பதுதான் ஒரு நாட்டின் வளத்திற்கு அறிகுறி……..

மரங்களை அழித்தால் நாடு என்னவாகும்?

ஒரு மனிதனின் நுரையீரல் அழிந்தால் என்னவாகும்…………….பூமியின் நுரையீரல் காடுகள்தான்…நுரையீரல் அழிவுற்றால் பூமியின் வாழ்வு என்னவாகும்……….
                

அனைத்து நீராதரங்களும் காட்டின் மடியில்தான் உற்பத்தியாகிறது.காடுகள் அழிந்தால் நீர் நிலைகள் அழியும்,மழை குறையும்………

             

இயற்கை தன்னை புதுபித்து கொள்ளும்,ஆனால் இந்த மனித இனம் மாண்டு போகும்….

கண்ணை விற்று சித்திரம் வாங்கும் அறிவாளிதனம் தான் காட்டை அழித்து நாட்டை மேம்படுத்துவதில் வெளிப்படுகிறது…………

இன்றும் கூட,வீடு கட்டும்போது தனது செல்வ செழிப்பை காட்ட பர்மா தேக்கு, வெண் தேக்கு,பிள்ளை மருது, என பல்வேறு மரங்களை வெட்டி சாய்க்கிறது இந்த மனித இனம்.

சரி நேரமாயிடுச்சி,திரும்பி போகலாம்,கொஞ்சம் வேகமா நடங்க, இருட்டுறதுக்கு முன்னாடி காட்டை விட்டு வெளியே போகணும்………….

          

இப்படி காகிதம், மரவேலை என பல்வேறு காரணங்களுக்காக வெட்டப்படும் மரங்களால் பூமி வெப்பமயமாகிறது.பொதுவாக நிழல் தரும் மரம் வெயில் காலத்தில் 20 டிகிரி அளவுக்கு வெய்யிலின் தாக்கத்தை  குறைத்து தருகிறது.அப்படியென்றால் மழைக்காடுகள் எந்த அளவுக்கு வெப்பத்தை குறைக்கும் என யோசித்து பாருங்கள்.

              

அதே போல் அவை அழிக்கப்படும் போது பூமியின் வெப்ப தன்மை எந்த அளவுக்கு உயரும் என்பதையும் யூகித்துக்கொள்ளுங்கள்.இப்படி பூமி வெப்பமடையும் போது பல உயிரினங்கள் அழிவதால்,உயிர் சங்கிலியின் கண்ணி பாதிக்கப்படுதல்,உணவு சங்கிலியின் சமன் பாதிக்கப்படும்,அதோடு பூமியின் தட்ப வெட்ப சூழல் முற்றிலும் மாறி மழையின் அளவு,பருவ காலம் அனைத்தும் மாறி விடுகிறது.

ஒரு மரம் என்பது இரண்டு தொழிற்சாலைக்கு சமம்.


                 

ஒன்று ஆக்ஸிஜன் தயாரிக்கும் தொழிற்சாலை, இன்னொன்று கார்பன்-டை-ஆக்ஸைடு உள்ளிழுத்து கொள்ளும் தொழிற்சாலை.ஒரு மரம் ஒரு வருடத்திற்கு 118 கிலோ ஆக்ஸிஜனை வெளியிடுகிறது.

                    
ஒரு ஏக்கரில் உள்ள மரங்கள் ஒரு வருடத்திற்கு  வெளியிடும் ஆக்ஸிஜன்,18 மனிதர்கள் ஆயுள் முழுதும் சுவாசிக்க உதவுகிறது.ஒரு ஏக்கரிலுள்ள மரங்கள் காற்றிலுள்ள 2.6 டன் கார்பன்-டை-ஆக்ஸைடை உறிஞ்சிக்கொள்கின்றன. மரங்கள் நிறைந்த காடுகள் மனித குலத்திற்கு உதவும் நுரையீரல்.மேற்கு தொடர்ச்சி மலை சுமார் 900மீட்டர் உயரம் உடையது அதன் மீது உயரமான மரங்கள்(tall trees) இருந்தால்தான் கடலிலிருந்து ஆவியாகும் நீரை மேகமாக கருக்கொள்ள செய்து மழை பெற முடியும்.

ஆனால் மழைக்காடுகளை அழித்து, தேயிலை தோட்டமாக்கி மகிழ்ந்திருக்கும் மனித குலத்தின் அறிவிற்கு இன்னும் எட்டவில்லை மழைக்காடுகள் மட்டுமே மழை தருமென்று.மழைக்காடுகள் இருந்த பகுதிகள் பச்சையம் சுரண்டப்பட்ட இலை போன்று ஆங்காங்கே காடுகள் அழிந்து விட்டன.

                                    

வனத்தை பற்றிய அறிவோ, உணர்வோ,அக்கறையோ இல்லாதவர்கள் எப்படி வனத்தை பாதுக்காக்க முடியும்.இத்தனையும் உள்ளவர்கள் வனத்தின் மைந்தர்கள் ஆன பழங்குடியினர்தான்,அவர்களை  இணைத்துக் கொள்ளமால் வனங்களை பாதுக்காக்க இயலாது,ஏனெனில் தைல மரங்களின் அணி வகுப்பை காடுகள் என நம்பி ஏமாந்து கொண்டிருப்பவர்கள் தான் நாம்.மழை தரும் காடுகளை அழித்து, நிலத்தடி நீரை உறிஞ்சும் தைல மரங்களை வனமென்று நம்புவதிலிருந்து முதலில் மனிதர்களை மீட்டெடுக்க வேண்டும்.

இப்படி,வனங்களின் பயன்களை பட்டியலிடலாம், தற்சமயம் மழை இல்லை என்பதால் மட்டுமே காடுகளைப் பற்றி கவலைப்படுகிறார்கள். இவர்கள் முதலில் உணர வேண்டியது மழைக்காடுகளை மனிதனால் உருவாக்க முடியாதென்பதும், இவர்கள் நடுகிற மரங்கள் எல்லாம் காடுகளை அதுவும் மழை தரும் காடுகளை உருவாக்காது என்பதைதான்.ஒரு லட்சம் ஈட்டி மரங்கள்,செம்மரங்கள் போன்ற மரங்களை நடுவதால் மழைக்காடுகளை உருவாக்க முடியாது.

ஆப்பிரிக்க பழங்குடி பெண்

அமெரிக்கா யானோமினர்

ஜெனீவா ஹுலியினர்

காடுகளில் வாழும் பழங்குடியினருடன் இணைந்து, பாதுகாப்பு நடவடிக்கைகளில் ஈடுபட்டு காடுகளை பாதுகாக்கவும், பல்லுயிரியத்தையும், சூழல் மண்டலங்களையும் பாதுகாக்க உறுதி மொழி எடுத்துக்கொள்ள வேண்டும்.

நன்றி  நண்பர்களே………..
               

-அன்புடன் லீலா

பரம்பிக்குளம்ஆழியார்திட்டம்-எட்டாவதுஅதிசயம்.

வணக்கம் தோழமைகளே............

எழுபத்தியேழு மில்லியன் மக்களையும் ,130,060 சதுரகிலோ மீட்டர் நிலப் பரப்பினையும் கொண்ட நம் தமிழகம், பாசன வரலாற்றில் நீண்ட நெடிய பாரம்பரியத்தை கொண்டது மிக துல்லியமான கணக்கீடுகளும், பகிர்மான முறைகளும் கையாளப்பட்டிருப்பது தமிழர்களின் நுண்ணறிவுக்குசான்றாகும்.

உலகின்  பல்வேறு பகுதிகளை சார்ந்த பொறியாளர்கள் ,நமது முன்னோர்களின் அணை கட்டுமானம், நீர்பங்கீடு, மற்றும் விவசாய முறைகளை கண்டு வியந்து நின்றதோடுஅம்முறைகளைபயின்றும்இருக்கிறார்கள்,இத்தகையபெரும்பாரம்பரியம்கொண்டதமிழர்களின்மகுடத்தில்இன்னொருஜொலிக்கும்கல்லைப்பதித்ததுபரம்பிகுளம்ஆழியார்திட்டம்ஆகும்.

பொறியியல்துறையில், இந்தநூற்றாண்டில் எட்டப்பட்ட சாதனையாகும். இத்திட்டம் ஒரு முன் மாதிரி திட்டமாகும் .இச்சாதனை பொறியாளர்களின் சிறந்த நுண்ணறிவாலும், கருத்தாக்கத்தாலும் ,நிறைவேற்ற கொண்ட துணிச்சல்,தன்னலமற்ற  உழைப்பு ,பின்வரும் சமூகத்துக்கு உதவிட வேண்டுமென்ற தளராத எண்ணம், ஆகியவற்றால் சாத்தியமாயிற்று………..

என்ன லீலா, ஒரு  பொறியாளரா நாம தெரிஞ்சிக்க வேண்டிய செய்திதான் இன்னைக்கு போல……………

அடடே வாங்க  வாங்க……………பரிமள், செல்வா, அனிதா………

அங்கே பாருப்பா, எங்க அலுவலக தோழிகளும் வராங்க………

அறிமுகமானவங்க தானே……………… வாங்க நல்லதா போச்சு,முக்கியமான செய்திதான்……………….. பொறியாளர்கள் மட்டுமில்லை எல்லோரும் தெரிஞ்சிக்க வேண்டிய விஷயம்தான்……………..

அனிதா: சரி சொல்லு அப்படி என்னதான் அதிசயம்?

பரம்பிக்குளம்-ஆழியாறு  திட்டம் தமிழ்நாடு-கேரள மாநிலங்களுக்கிடையே நிறைவேற்றப்பட்ட  ஒரு பல நோக்குத் திட்டமாகும்…

பல ஆறுகளை இணைக்கும் மாபெரும்திட்டம், இதற்கு ஈடாக வேறெந்த திட்டமும் கிடையாது…..

செல்வா: அப்போ interlinking of rivers ந்னுசொல்லலாமா? எந்த எந்த ஆறுகள்   எல்லாம் இணைச்சிருக்காங்க…………..

இந்த திட்டத்தில் எட்டு ஆறுகள் இணைக்கப்பட்டுள்ளன….

ஆனைமலைஆறு ,நீராறு, சோலையாறு, பரம்பிக்குளம்ஆறு, தூணக்கடவுஆறு, பெருவாரிப்பள்ளம்ஆறு, ஆகிய ஆறு ஆறுகள் ஆனைமலை மலைக்குன்றுகளில் அமைந்துள்ளன

ஆழியாறு மற்றும்  பாலாறுஆகியவை சமவெளிகளிலும் அமைந்துள்ளன….

இவைகளை தான் இணைத்து இந்த திட்டம் உருவாகியுள்ளது…………..

பரிமள்: பரம்பிக்குளம்ஆறு ,தூணக்கடவுஆறு, பெருவாரிப்பள்ளம்ஆறுகளுக்கு குறுக்கே இருக்கும் அணைகளை தானே பார்த்தோம்……………..

சரியா சொன்ன………..

சியாமளா: லீலா அப்போ வடிநிலம் (Basin) மாறி இருக்கா?

நீங்க கேட்க வர விஷயம்   தான் இந்த திட்டத்தோட மாபெரும் சாதனை ஒரு வடிநிலம் மட்டுமல்ல ,இரண்டுக்கும் மேற்பட்ட வடிநிலங்களுக்கிடையே நீர்மாற்றமும் ,ஏழு ஆற்றுப்படுகைக்குகளிடையேயும் நீர்மாற்றம் செய்யப்படுள்ளது. (Interbasin transfer of water)

செல்வா:லீலா என்ன என்ன வடிநிலம், ஆற்றுப்படுகைன்னு சொல்லு

வடிநிலம்ன்னு பார்த்தா மூன்று பெரியவடிநிலங்கள்,  அதாவது பெரியாறு வடிநிலம்,சாலக்குடிவடிநிலம், பாரதபுழா வடிநிலம் .நீரார் , சோலையார், பரம்பிக்குளம், தூணக்கடவு, பெருவாரிப்பள்ளம், ஆழியார் ,பாலாறு ஆகிய ஆற்றுப்படுகைகளிடையே நீர்பரிமாற்றமும்தான் இந்ததிட்டத்தின் முக்கிய செய்தி.

அனிதா: சரி யார் இந்ததிட்டத்தை உருவாக்கியது?

அருமையானகேள்வி. 1921ல் திரு. R.N.ஆரோக்கியசாமி முதலியார் என்பவர்,மதராஸ் பொதுப்பணித்துறையில் தலைசிறந்த  பொறியாளராக பணியாற்றினார், பின்னாளில் மதராஸ் மகாணத்தின் அமைச்சர் ஆனார் (பிரிட்டிஷாரின்ஆட்சியின்கீழ்) இவர் தான் மேற்கு நோக்கி  பாயும்  சாலக்குடி ஆற்றை கிழக்கு நோக்கி திருப்ப ஒரு திட்டத்தை தலைமைப் பொறியாளாரிடத்தில் சமர்ப்பித்தார்.  இத்திட்டம் அப்போது போதிய கவனத்தை பெறவில்லை.

பின்னாளில், வேட்டைக்காரன்புதூர் மற்றும் ஆனைமலை பகுதியை சார்ந்த விவசாயிகள் பரம்பிக்குளம்ஆற்றின் தண்ணீரை அரேபியன்கடலில்  வீணாக கலப்பதை தடுத்து கிழக்கு நோக்கி திருப்ப வேண்டுமென போராடினார்கள்,பின் மறைந்த திரு,V.K.பழனிச்சாமி கவுண்டர்.M.L.C உடன் விவசாயிகள் திரும்பவும் கருத்துரு கொடுக்க திரும்பவும் அதே நிலை.

திரும்ப மாநிலங்கள் மாற்றியமைக்கப்பட்ட பின் (re organization) தமிழக அரசு பொதுப் பணித்துறையின் தலைமை பொறியாளார் அவர்களை அணை குறித்து ஆய்வு செய்ய ஆணை வழங்கியது, அதனை தொடர்ந்து பொறிஞர் திரு.ஆன்ந்தராவ் அவர்கள் ஆரம்ப நிலை ஆய்வினை செய்து (preliminary investigation) செய்து அதில் நீரார் மற்றும் சோலையார் ஆகிய ஆறுகளையும் இத்திட்டத்தில் சேர்த்து கருத்துருவை அரசுக்கு 1959ல்  சமர்ப்பித்தார்.

அதன் பிறகு திட்டத்திற்கு ஒப்புதல் அளிக்கப்பட்டு, பணிகள் வெற்றிகரமாக தொடங்கின.

பரிமள்: என்ன லீலா ஒப்புதல்  வாங்கவே இவ்வளவு வேலை செய்யணுமா?

ஆமா பரிமள் ,தளபணிகள் மேற்கொள்வது அவ்வளவு எளிதல்ல, அதுவும்,மலைகளும், அடர்ந்த காடுகளும்,வனவிலங்குகளும், சின்னஞ்சிறு வண்டு மற்றும் பூச்சிகளும் உள்ள இடத்தில் ,இத்தகைய பணியை மேற்கொள்வதென்பது பெரிய சவாலாகவே இருந்தது. இன்று போல் அன்று தொழில் நுட்ப  வசதி இல்லையென்பதையும் நாம் நினைவில் கொள்ள வேண்டும்.

சியாமளா: ரொம்ப suspense  ஆ இருக்கு லீலா, பிறகு எப்படி ஆரம்பிச்சாங்க சொல்லுங்க.

சொல்றேன், நாம் நினைக்கிற மாதிரி முதலில் நீரார் சிற்றணை ஆரம்பிக்கப்படவில்லை……….

செல்வா: அப்புறம்…………

சொல்றேன், அதாவது நீர் போக்கின் வழியை கொண்டு இந்ததிட்டத்தை முதலில் சொல்கிறேன்,  பிறகுகட்டுமான பணியின் வரிசை முறை, சொல்கிறேன்,அப்போதான் இந்ததிட்டம் தெளிவா புரியும்.

அனிதா: என்னப்பா ஒருகாபி, டீ ஏதாவது சாப்பிடலாமா?

கண்டிப்பா, வால்பாறை டீ இருக்கு, வாங்க…………..

செல்வா: சொல்லு லீலா, டீ போட்டுக்கிட்டே பேசுவோம்……….

சரி செல்வா,……..

இந்த மாபெரும்  திட்டம் 11 அணைகளையும்,4 மின் உற்பத்தி நிலையங்களையும், 8சுரங்கபாதை வழிகளையும், மற்றும் 10 கால்வாய்களையும் கொண்டதாகும்.

அணைகள்

1.மேல்நீராறுசிற்றணை

2.கீழ்நீராறுஅணை

3.சோலையாறுஅணை

4.பரம்பிக்குளம்அணை

5.தூணக்கடவுஅணை

6.பெருவாரிப்பள்ளம்அணை

7.மேல்ஆழியாறுஅணை

8.ஆழியாறுஅணை

9.திருமூர்த்திஅணை

சுரங்கப்பாதைகள்

1.மேல்நீராறுசுரங்கப்பாதை

2.கீழ்நீராறுசுரங்கப்பாதை

3.சோலையாறுசுரங்கப்பாதை

4.பரம்பிக்குளம்சுரங்கப்பாதை

5.சர்க்கார்பதிசுரங்கப்பாதை

6.சமநிலைக்கோட்டுக்கால்வாயில்உள்ள

நவமலை சுரங்கப்பாதை மற்றும் சிறு சுரங்கப்பாதைகள்

மின்உற்பத்தி நிலையங்கள்

1.சோலையாறுமின்உற்பத்திநிலையம்எண் 1

2.சோலையாறுமின்உற்பத்திநிலையம்எண் 2

3.சர்க்கார்பதிமின்உற்பத்திநிலையம்.

4.ஆழியாறுமின்உற்பத்திநிலையம்.

5.ஆழியாறுஅணைசிறுபுனல்மின்நிலையம்.

6.திருமூர்த்திஅணைசிறுபுனல்மின்நிலையம்.

கால்வாய்கள்

1.சமநிலைக்கோட்டுகால்வாய்

2.ஆழியாறுஊட்டுக்கால்வாய்

3.சேத்துமடைக்கால்வாய்

4.வேட்டைக்காரன்புதூர்கால்வாய்

5.பொள்ளாச்சிக்கால்வாய்

6.பரம்பிக்குளம்பிரதானகால்வாய்

7.உடுமலைப்பேட்டைகால்வாய்

8.திருமூர்த்திஅணைஉயர்மட்டக்கால்வாய்

அனிதா: டீ ரெடி வாங்க

சூப்பரா இருக்கு டீ………………..

பரிமள்&சியமாளா:சொல்லு சொல்லு அப்புறம் எங்கேயிருந்து ஆரம்பிக்குது இந்த நீரோட்டம்.

மேல்நீரார்:

மேல்நீராறு

நீராறு கட்டமலைப் பகுதியில் உற்பத்தியாகி பின் கல்லார் என்ற் பெயரில் இடமலையில் கலக்கிறது. இடமலையாறு பெரியார் நதியின் கிளையாகும் .நீராறு சிற்றணை உள்ள பகுதி சின்ன  கல்லார் என்று அழைக்கப்படுகிறது. இதன் சிறப்பு  தமிழகத்தின் (சிரபுஞ்சி) மாயேஷ்வரமாகும். இத்திட்டத்திலுள்ள தொகுப்பு அணைகளில், அனைத்து அணைகளையும் விட உயரமான இடத்தில் 1158மீ  (3800 அடி) அமைந்துள்ள அணை என்ற சிறப்பும் இந்த சிற்றணைக்கு உண்டு. 

மேல் நீராறு

இதன் வடிகால் பரப்பும் 29 சதுரமைல் ஆகும் இதில் 11 சதுரமைல் தமிழகப்பகுதியாகும்  .இப்பகுதியில் ஆறு நீராறு பெயரோடு

பயணிக்கிறது,தன் போக்கில் சென்றால் பயனேது?

இங்கிருந்து  சுரங்கபாதை மூலமாக சோலையார் ஆற்றுபடுகைக்கு ஆற்றின்நீர் கொண்டு செல்லப்படுகிறது.

ஆறுகரைகளுக்குள் அடங்கி நடந்தால் விரும்பிய ஊர் சென்று சேரும் என்பதற்கான எடுத்துக்காட்டு.

செல்வா&அனிதா: சுரங்கப்பாதை பற்றி சொல்லு லீலா.

நிச்சயமா சொல்ல வேண்டிய செய்தி சொல்றேன்.

இந்த சுரங்கம் குதிரைலாட   வடிவத்தில்அமைக்கப்பட்டுள்ளது.இதன் விட்டம் 20 அடியாகும். 4622.90 மீட்டர் நீளம்.  இதை வெள்ளமலை

சுரங்கமென சொல்வதுண்டு .மிகபெரிய நுணுக்கம் கொண்ட அறிவியல் சாதனை இந்த சுரங்கம் .இதன் கட்டுமான பணியின் போது அங்கிருந்த மண்கெட்டியாக இல்லாமல் வழுக்கிவிழுவதாக இருந்திருக்கிறது…. அதோடு ஆற்றின் நீரும் சேர மிகவும் கடினமானதாக இருந்திருக்கிறது.

ஆனால், இந்த வழுக்கும் மண்ணை அடுத்து அடுத்து பகுதிக்கு ஸ்காஃப்ல்டிங்காக பயன்படுத்தியிருக்கிறார்கள். சுரங்கத்தின் கொள்ளளவு 74 மில்லியன் கன அடி ஆகும்.

                         

மேல்நீராறு ஆற்றின் போக்கில் போகும் தண்ணீர் கீழ்நீராறுக்கு செல்கிறது. மேல்நீராறில் தமிழ்நாட்டிற்கு தண்ணீர்கொண்டு செல்லும் காலங்களான பிப்ரவரி முதல் செப்டம்பர் வரை சுரங்கத்திற்கு தண்ணீர் செல்லும் வழியில் ஷட்டர்கள் திறந்திருக்கும் .மற்ற காலத்தில் தண்ணீர் கேரளாவிற்கு கீழ்நீராறு வழியாக River sluice மூலம் இடமலையாறு செல்லும்.

மேல்நீராறு பகுதிஆண்டுக்கு 9.10 டி.எம்.சி மழைநீர் பெறும் என கணக்கிடப்பட்டிருந்தாலும், ஆண்டுக்கு மிககுறைவான அளவே மழைநீர் கிடைக்கப்பெறுகிறது.இந்த சிற்றணை 1975 ஆம் ஆண்டு கட்டி முடிக்கப்பட்டது.

மேல்நீராறு இயற்கை அழகுடையது, மலைகளும், ஆற்றின் சலசலப்பும் அங்குள்ள குளிர்ச்சியும் கண்ணுக்கும்,மனதுக்கும்இதமளிக்ககூடியது.

பரிமள்: அடேயப்பா  இத்தனை விஷயமிருக்கா?

இன்னும் நிறைய இருக்கு பரிமள் சற்று சுருக்கிதான் சொல்றேன்.

அனிதா: கீழ்நீராறு பற்றி கொஞ்சம் சொல்லு………

கீழ் நீராறு அணை

கீழ்நீராறு

மேல் நீராறிலிருந்து 8கி.மீ தூரம் கீழே போனால் கீழ் நீராறு அணை உள்ளது.இதன் கொள்ளளவு 274 மில்லியன் கன அடி.இதுவும்நீராற்றின்குறுக்கேகட்டப்படுள்ளஅணையாகும்.இதன் வடிகால் பரப்பும் பகுதி 39 சதுர மைல் ஆகும்.இதில் 21 சதுர மைல் தமிழக பகுதியாகும்.கீழ்நீராறின் தண்ணீர் சோலையார் படுகைக்கு சுரங்கம் மூலம் செல்கிறது.கஜமுடி சுரங்கம் என சொல்லப்படுகிறது .இந்த சுரங்கம் குதிரைலாட  வடிவத்தில் அமைக்கப்பட்டுள்ளது .இதன் விட்டம் 22 அடியாகும்,  8129 மீட்டர் நீளம். சுரங்கத்தின் கொள்ளளவு 62 மில்லியன்  கன அடி ஆகும்.

கீழ்நீராறு பகுதி ஆண்டுக்கு 2.5 டி.எம்.சி மழை நீர் பெறும்  எனகணக்கிடப்பட்டிருந்தாலும்,ஆண்டுக்கு மிக குறைவான அளவே மழைநீர் கிடைக்கப் பெறுகிறது.இந்த அணை1982 ல் கட்டி முடிக்கப்பட்டது.

இயற்கையின் மடியில் நம்மை தாலாட்டும் பேரழகு இந்த அணை.

செல்வா&சியாமளா:

அடடே கேட்கவே பிரமிப்பா இருக்கு………..

இந்த திட்டத்தில் பணியாற்றிய பல பொறியாளர்கள் திருமணம் செய்து கொள்ளாமல் தன் வாழ்நாளை அர்பணித்திருக்கிறார்கள்……….

செல்வா: சோலையார் பற்றி சொல்லு லீலா………….

சாலக்குடி ஆற்றின் கிளை ஆறான சோலையாற்றின் குறுக்கே 1002.62மி(3290 அடி) உயரப் பகுதியில் கட்டப்பட்டுள்ள அணைதான் சோலையாறு அணை.இதன் கொள்ளளவு 5392 மில்லியன் கன அடி ஆகும்.சோலையாறு அணைதான் தமிழ்நாட்டிலுள்ள அணைகளில் மிக உயரமான அணையாகும்.இதன் உயரம் 105.50மீட்டர் ஆகும். 47 சதுரமைல் வடிகால் பரப்பும் கொண்டது. மொத்த வடிகால் பரப்பும் தமிழகப்பகுதியாகும்.இந்த அணை 1971 ல் முடிக்கப்பட்டது.

சோலையார் ஆய்வு மாளிகை

சோலையார் மற்றும் பரம்பிக்குளம் அணைகளை இத்திட்டத்தின் முக்கியமான அணையாக நான் நினைக்கிறேன்…………….

சோலையார் அணையிலிருந்து சுரங்கம் மூலம் கொண்டு வரப்படும் நீரின் மூலம் இரண்டு மின் உற்பத்தி நிலையங்கள் இயக்கப்படுகின்றன.

சுரங்கம் குதிரைலாட வடிவம் கொண்டது 10.50 அடி விட்டம் உடையது.இதன் நீளம் 2557 மீட்டர் ஆகும்.சுரங்கத்தின் கொள்ளளவு 24 மில்லியன் கன அடியாகும்.

மின்நிலையம்-Iல் 70 மெகவாட் மின் சக்தியும், மின்நிலையம்-II ல் 25 மெகவாட் மின் சக்தியும், உற்பத்தி செய்யப்படுகிறது.

மின்நிலையம்-II மூலமாக செல்லும் நீர் கேரளா சோலையார் அணைக்கும்,

மின்நிலையம்-I மூலமாக செல்லும் நீர் பரம்பிக்குளம் அணைக்கும் செல்கிறது.

சோலையார் மின்நிலையம்-1

சியாமளா: மின்நிலையம்-II மூலமாக செல்லும் நீர் கேரளா சோலையார் அணைக்கு ஏன் போகுது.

மேற்கு நோக்கி பாயும் ஆறுகளை கிழக்கு நோக்கி திருப்ப கேரள அரசும் தமிழக அரசும் இணைந்து செய்து கொண்ட ஓப்பந்தத்தின் படி ஒரு நீராண்டுக்கு(ஜூலை –ஜீன்) 12.30 டி.எம்.சி கொடுக்கவேண்டும்.அதன் அடிப்படையில் மின் நிலையம் II இயக்கப்படுகிறது.

மின்நிலையம்-I  மானாம்பள்ளியில் உள்ளது.

செல்வா& பரிமள்: ஏன் இந்த ஆறு பேரு சோலையாறு? சோலைகள் இருக்கா

J இப்பகுதி முழுவதும் சோலைக்காடுகளாக(SHOLA FOREST) இருந்ததால் இந்த ஆறு சோலையாறு என அழைக்கப்படுகிறது .சோலையாறு நிரம்பி வழிந்தால் அது கேரளாவிற்கு செல்லும்.

சோலையார் மின் உற்பத்தி நிலையம் எண்-1 396 மீட்டர் நீர்வீழ்ச்சியை பயன்படுத்தி 70 மெகாவாட் மின் உற்பத்தி செய்கிறது.

சோலையார் மின் உற்பத்தி நிலையம் எண்-2 171 மீட்டர் நீர்வீழ்ச்சியை பயன்படுத்தி 25 மெகாவாட் மின் உற்பத்தி செய்கிறது.

சோலையார் மின் நிலையம் -2

            

  அனிதா:பரம்பிக்குளம் பத்தி சொல்லு லீலா………ஏற்கனவே பரம்பிக்குளத்தை பற்றி நீ நிறைய சொல்லியிருக்க உனக்கு பிடிச்ச இடமோ…………

JJ ம்ம்……. எனக்கு பிடிச்ச இடம்தான்…….

பரம்பிக்குளம் ஆறு ராமகிருஷ்ண மலைப்பகுதியில் உற்பத்தியாகி கடைசியாக சாலக்குடி ஆற்றில் சேருகிறது.இதன் வடிகால் பரப்பு88.8 சதுர மைல்கள் இதில் 60.71 சதுர மைல் தமிழக பகுதியாகும். இந்த அணை கேரளா காடுகள் நிறைந்த பகுதியில் உள்ளது.இத்திட்டத்தில் முதன்மையான அணை இதுதான், கொள்ள்ளவிலும் இத்திட்டத்தின் பெரிய அணை ஆகும். இதன் கொள்ளளவு 17820 மில்லியன் கன அடி ஆகும்.இந்த அணை1967 ல் கட்டிமுடிக்கப்பட்டது.

அழகிய சூழலில் பரம்பிக்குளம் அணை

பரம்பிக்குளம் மேற்கு நோக்கி பாயும் ஆறாகும்,இந்த ஆற்றின் நீர் கிழக்கே திருப்பப்பட்டு தூணக்கடவு மற்றும் பெருவாரிப்பள்ளம் அணைகளை அடைந்து பின்னர் சர்க்கார்பதி மின் நிலையத்தை சுரங்கம் மூலம் அடைகிறது,அங்கு மின் உற்பத்தி செய்யப்பட்ட பின் சமமட்ட கால்வாய் மூலமாக திருமூர்த்தி மற்றும் ஆழியாறு அணையை சென்று சேர்கின்றன.

சுரங்கம் குதிரைலாட வடிவம் கொண்டது 16.75 அடி விட்டம் உடையது.இதன் நீளம் 2495 மீட்டர் ஆகும்.சுரங்கத்தின் கொள்ளளவு 37 மில்லியன் கன அடியாகும்.

கேலரி

இங்கிருந்து மலைகளில் பாறைகளுக்கிடையே கதை பேசிக்கொண்டும் துள்ளியும் ,குதித்தும் ஓடிய நீர் தற்போது சமவெளிப் பகுதியில் கம்பீரமாக நடைப்போடுகிறது.

பரம்பிக்குளம் அணையின் உபரி நீர் குரியர்குட்டி ஆற்றில் கலந்து சாலக்குடி ஆற்றில் கலக்கிறது.

இயற்கையின் பேரெழிலும்,வனங்களின் வனப்பும்,கானுயிர்களின் சிருங்காரமும்,கம்பீரமும் காண கண் கோடி வேண்டும்.

சியாமளா:சொல்லுங்க லீலா கேட்கவே மலைப்பாகவும்,பெருமையாகவும் இருக்கு………..

இருங்க ,இருங்க, மிக பெருமை பட வேண்டிய செய்திதான் இனி சொல்லபோகும் செய்தி…………….

தூணக்கடவு மற்றும் பெருவாரிப்பள்ளம் என்ற அணைகள் ஆசியாவில் வேறெந்த பகுதியிலும் இல்லாத வகையில் சமன்நிலைப்படுத்தும் அணையாக வடிவமைக்கப்பட்டுள்ளது.(Balancing dam).

தூணக்கடவு அணை

தூணக்கடவு அணை முக்கியமாக பரம்பிக்குளத்திலிருந்து சர்க்கார்பதிக்கு செல்லும் சுரங்கத்தின் நீளத்தை குறைப்பதற்காகவும்,பெருவாரிப்பள்ளம் அணைப்பகுதியில் கிடைக்கும் பருவ மழையை பெறுவதற்காகவும் அமைக்கப்பட்ட அணையாகும் 338மீட்டர் நீளமுள்ள  இந்த அணையின் மொத்த கொள்ளளவு 557 மில்லியன் கன அடி ஆகும். இதன் வடிகால் பரப்பு 22 சதுரமைல்கள் ஆகும்.7.7சதுரமைல்கள் 
தமிழகப்பகுதியாகும்.தூணக்கடவு ஆண்டுதோறும் 70 அங்குல மழை பெறும் பகுதியாக சொல்லப்படுகிறது. எனினும் தற்கால தட்பவெட்ப மாற்றத்தினால் மழையின் அளவு வெகுவாக குறைந்துள்ளது.இந்த அணை 1965 ல் கட்டி முடிக்கப்பட்டது.

செல்வா& அனிதா: பெருவாரிப்பள்ளமும், தூணக்கடவும் இணைக்கப்பட்டிருக்கா லீலா…………

Exactly, பெருவாரிப்பள்ளம் நீர்தேக்கமும், தூணக்கடவு நீர்தேக்கமும் ஒன்றோடொன்று நேரடியாக இணைக்கப்பட்டு உள்ளன. 466.26 மீட்டர் நீளமுள்ள இந்த மண் அணையின் கொள்ளளவு 620மில்லியன் கன அடியாகும்.இந்த அணை 1971 ல் கட்டி முடிக்கப்பட்டது.

பெருவாரிப்பள்ளம் அணை

சியாமளா & பரிமள்: ஓ ரொம்ப பெருமையான விஷயம், ஏம்பா எப்போ பார்த்தலும் காண்டூர் வாய்க்காலுன்னு சொல்லுவியே அது இந்த திட்டத்தில்தானே வருது…….

 ஆமாம்,சரி தமிழகத்தின் முதல் சம மட்டக் கால்வாய் எதுவென்று தெரியுமா?

அனைவரும்: சொல்லு கேட்போம்……….

சொல்றேன் கி.பி 10ம் நூற்றாண்டில் இராஜராஜ சோழனால் அமைக்கப்பட்ட சம மட்டக் கால்வாய் திருச்சியிலுள்ள உய்யங்கொண்டான் கால்வாய் ஆகும்.இருந்தாலும் தற்சமயம் பயன்பாட்டிலுள்ள ஒரே சம மட்டக் கால்வாய் சர்க்கார்பதியிலிருந்து திருமூர்த்தி நோக்கி செல்லும் சம மட்டக் கால்வாய் தான் எனலாம்.

சம மட்டக் கால்வாய்

அதோடு, இந்த கால்வாய் அமைந்துள்ள பகுதி  மலைப்பாங்கும்,அடர்ந்த காடுகளும் உடையது ஆகும்,இப்பகுதியில் சம மட்டக் கால்வாய் என்பது ஒரு வரலாற்று சாதனை ஆகும்.கால்வாயின் நீளம் 49.30கி.மீ ஆகும்.வினாடிக்கு 1150 கன அடி நீரை எடுத்து செல்லும் வகையில் வடிவமைக்கப்பட்டுள்ளது.

சம மட்டக் கால்வாய்

சர்க்கார்பதி  மின்நிலையம் சுமார் 104 மீட்டர் நீர் வீழ்ச்சியை பயன்படுத்தி

 30 மெகாவாட் மின்சக்தியை உற்பத்தி செய்கிறது.இதற்கு தண்ணீர் தூணக்கடவு அணையிலிருந்து சுரங்கம் மூலாமாக தண்ணீர் வருகிறது.

சர்க்கார்பதி மின் நிலையம்

அனைவரும்: அடேயப்பா,என்ன ஒரு தன்னலமற்ற பணி செய்திருக்கிறார்கள்……..லீலா  you are lucky to work in this project…..

JJ, உண்மையோ உண்மை,அது மட்டுமில்லைப்பா,சிறிது காலம் கால்வாய் புனரமைப்பு பணிகள் மேற்கொண்டிருக்கிறேன்,தற்சமயம் இருமாநில நீர் பங்கீடு குறித்த பணிகளை கவனித்து வருவதும்……………. நீங்கள் சொன்ன வார்த்தை உண்மை,சற்று பெருமையாகவும் இருக்கிறது………

 சரி அடுத்த அணைகள் பற்றி சொல்லு

 அடுத்து அனைவருக்கும் தெரிந்த சட்டென்று சுற்றுலா செல்ல கூடிய இடமுமான ஆழியார் அணைதான் ஆகும்.

ஆழியார் அணை

 இந்த அணை சமவெளிப்பகுதியில் அமைந்திருந்தாலும்,இயற்கையின் அழகுக்கு குறைவில்லை சுற்றிலும் மலைகளும் கண்கொள்ளா காட்சிதான்.

இந்த அணையின் கொள்ளளவு 3864 மில்லியன் கன அடியாகும்.இந்த அணை1962 ல் கட்டி முடிக்கப்பட்டது.இதன் வடிகால் பரப்பு 76 சதுரமைல்கள் ஆகும் இந்நீர் தேக்கத்திலிருந்து வேட்டைக்காரன்புதூர் கால்வாய், பொள்ளாச்சிக் கால்வாய் என்ற இரண்டு கால்வாய்கள் வெட்டப்பட்டுள்ளன. இந்த அணையிலிருந்து கேரளாவிற்கு 20000 ஏக்கர் மற்றும் தமிழகத்திற்கு 6366 ஏக்கருக்கும் பாசன தேவைகளை நிறைவு செய்கின்றன.தமிழக பாசன பரப்புகள் 5 பழைய வாய்க்கால்கள் மூலம் பாசனம் பெறுகின்றன..ஆழியாறிலிருந்து சுமார் 40 கி.மீ பயணத்திற்கு பின் கேரளத்திலுள்ள பாரதப்புழா வில் கலக்கிறது.

ஆழியாறு மின்நிலையம் சுமார் 427 மீட்டர் நீர்வீழ்ச்சியைப் பயன்படுத்தி 60 மெகாவாட் மின்சக்தியை உற்பத்தி செய்யும் இத்திட்டத்திற்கு மேல் ஆழியாறு அணையிலிருந்து தண்ணீர் வருகிறது.

அதைப்போல் சமவெளிப்பகுதியிலுள்ள ஆழியாறு அணை சிறு புனல் மின்நிலையம்,அணையிலிருந்து ஆற்றில் திறந்துவிடும் தண்ணீரை பயன்படுத்தி 2.50 மெகாவாட் மின் உற்பத்தி செய்கிறது.

ஆழியார் சிறு புனல் மின்நிலையம்

அனைவரும்: ஹாலோ,இந்த அணையில் நிறைய படப்பிடிப்பு நடக்குமாமே……………..

அட ஆமாம்,காதலிக்க நேரமில்லை படம்,அமைதிப்படை, இன்னும் பல படங்களில் அணையும்,ஆய்வு மாளிகையும் வந்துள்ளது.

சரி சரி…நம்ம கதைக்கு வருவோம்……….

இப்போ திருமூர்த்தி அணை பற்றி சொல்கிறேன்..இந்த அணை 1967 ல் கட்டிமுடிக்கப்பட்டது

பாலாற்றின் குறுக்கே கட்டப்பட்டுள்ள அணைதான் திருமூர்த்தி அணையாகும் இதன் கொள்ளளவு 1.935 டி.எம்.சி ஆகும் சம மட்டக் கால்வாய் மூலம்  நீரைப்பெறும் இந்த அணையிலிருந்து பரம்பிக்குளம் பிரதானக் கால்வாய்,உடுமைப்பேட்டை கால்வாயும் பிரிந்து செல்கின்றன

திருமூர்த்தி அணை குறு புனல் மின்நிலையம்,அணையிலிருந்து பரம்பிக்குளம் பிரதான கால்வாய்க்கு திறந்துவிடும் தண்ணீரை பயன்படுத்தி 2.00 மெகாவாட்  மின் உற்பத்தி செய்கிறது.

திருமூர்த்தி சிறு புனல் மின் நிலையம்

மேல் ஆழியாறு என்றொரு நீர்தேக்கம் உண்டு ஆழியாற்றின் குறுக்கே கட்டப்பட்டது ஆகும், இந்த அணை1964 ஆம் ஆண்டு கட்டி முடிக்கப்பட்டது.இது 265 மீட்டர் நீளமுள்ளது. இது ஆழியாறு அணைக்கு சற்று மேலே கட்டப்பட்டுள்ளது.இதன் முக்கிய நோக்கம் மின் உற்பத்தி செய்வதே ஆகும்.இதனுடைய வடிகால் பரப்பு 54.20 சதுரமைல்கள் ஆகும்.இதன் கொள்ளளவு 936 மில்லியன் கன அடி ஆகும்.மின் உற்பத்தி செய்த பின் இந்த தண்ணீர் ஆழியாறு அணையை அடையுமாறு அமைக்கப்பட்டுள்ளது

மேல் ஆழியாறு மின்நிலையம்

           

இத்திட்டத்தில் உள்ள ஆறு மின்நிலையங்கள் மூலம் உற்பத்தி செய்யப்படும் மின் உற்பத்தி திறன் 189.50 மெகாவாட் ஆகும்

காடம்பாறை மின்நிலையம்.

 மேலும் சில தகவல் சொல்றேன் கேளுங்க…
காடம்பாறை அணை 1984ல் கட்டி முடிக்கப்பட்டது.

செல்வா: டீ குடிக்கலாமா என்ன சொல்றீங்க

சியாமளா, பரிமள்,  அனிதா,நான்:  கண்டிப்பா சுவையான் தேநீர் இருக்கே,குடிக்கலாம்.

ஆனைமலையாறு நீர்திருப்பு சிற்றணை

இன்னும் நிறைவேற்றப்படாமல் ஆய்வு நிலையிலும்பரிசீலனை நிலையிலும் உள்ள இத்திட்டம் 2500 மில்லியன் கன அடி நீரை ஆனைமலையாறு படுகையிலிருந்து  சமவெளிக்கு திருப்ப உத்தேசிக்கப்பட்டுள்ளது.கேரள அரசியோன் ஓப்புதல் பெற்ற பின்னர் நிறைவேற்றப்பட உள்ளது.கேரள அரசின் ஒப்புதல் விரைவில் எதிர்ப்பார்க்கப்படுகிறது.

நல்லார் நீர்தேக்கத்திட்டம்.

நதி நீர்ப்பங்கீட்டு திட்டப்படி மேல்நீராறு சிற்றணையிலிருந்து பிப்ரவரி மாதம் முதல் செப்டம்பர் மாதம் வரை 9.00 டி.எம்.சி தண்ணீர் தமிழ்நாட்டுக்கு கிடைக்கும்.தற்போது இந்த சோலையார் அணை,பரம்பிக்குளம் அணை வழியாக சர்க்கார்ப்பதி மின் நிலையம் சென்று சம மட்டக்கால்வாய் வழியாக திருமூர்த்தி அணையை சென்று அடைகிறது.இவ்வாறு நீண்ட தொலைவு நீரை எடுத்து செல்வதால் மிகுந்த் அநீர் இழப்பு ஏற்படுகிறது. அதே போல் சம மட்டக் கால்வாயில் பராமரிப்பு பணிகள் அல்லது எதிர்பாராத பழுதுகள் ஏற்படும்போது நீரோட்டம் தடைப்படுகிறது.இந்த இடர்பாடுகளை களைவதற்கென்று நல்லார் நீர்தேக்க திட்டம் தயாரிக்கப்பட்டுள்ளது.

இத்திட்டம் செயல்பாட்டிற்கு வந்தால், மேல்நீராறு சிற்றணையிலிருந்து 14.40 கி.மீ உள்ள சுரங்க்கத்தின் வழியாக  தண்ணிர் ந்ல்லார் பள்ளத்தாக்கில் சேரும்.இதில் ஏற்படும் மட்ட வீழ்ச்சியை பயன்படுத்தி மின் உற்பத்தி செய்யப்படும்.நல்லாற்றின் குறுக்கே உத்தேசிக்கப்பட்டுள்ள  நீர்தேக்கத்தில் இந்த நீர் தேக்கப்பட்டு,அங்க்கிருந்து புதிய சம உயர்மட்டக் கால்வாய் மூலம் தண்ணீர் திருமூர்த்தி அணையை அடையும்.

அனைவரும்:இதனால் என்னென்ன பயன்கள் கிடைக்கும்.

தென்மேற்குப் பருவ மழைக்காலத்தில் மேல்நீராற்றில் கிடைக்கும் நீரை முழுமையாகப் பயன்படுத்த இயலும்.

கூடுதல் மின்சாரம் உற்பத்தி செய்ய வாய்ப்புள்ளது.

மேல்நீராற்றிலிருந்து  திருமூர்த்தி அணைக்கு நீர் செல்லும் தூரம் குறைவதால் நீரிழப்பும் குறைய வாய்ப்புள்ளது.

சம மட்டக் கால்வாயில் பராமரிப்பு பணிகள் பார்க்கும் காலங்களிலும்.திருமூர்த்தி அணைக்கு  நல்லார் நீர்தேக்கத்திலிருந்து நீர் கிடைக்குமென்பதால்,திருமூர்த்தி பாசனபகுதிக்கு தேவையான நீரின் அளவை சுணக்கமின்றி பராமரிக்க இயலும்….

என்ன நண்பர்களே இந்த உரையாடல் அனைவருக்கும் பயனுள்ளதாக இருந்திருக்கும் என்று நம்புகிறேன்.இத்தனை சிரமத்திற்கிடையே பெறப்படும் நீரை எப்படி பயன்படுத்த வேண்டும்,பாதுகாக்க  வேண்டும் என்பதின் முக்கியத்துவத்தை  குறித்தும் நீங்களே உணர்ந்திருப்பீர்கள்.பொறுமையுடன் உரையாடலை கேட்ட அனைவருக்கும் நன்றி.

பொறியாளார் தோழமைகளுக்கு,முக்கியமாக நீர்வள ஆதார துறையில் பணியாற்றுபவர்களுக்கு பயனுள்ளதாக இருக்கும் என்று நம்புகிறேன்.

இந்த உரையாடலில்  கலந்து கொண்டதோழமைகளுக்கும்,இத்திட்டத்தை குறித்து ஆவணப்படுத்தவேண்டுமென்று நீண்ட நாட்களாக நினைத்திருந்தாலும்,வேலை,குடும்பம் மற்றும் உடல்நிலை காரணமாக கிடப்பிலேயே இருந்தது. அந்த சுணக்க நிலையை மாற்றி ஒரே நாளில் இதை ஆவணப்படுத்த எனக்கு ஆதரவு தந்த என் தாயார் மற்றும் மகளுக்கும் என் அன்பில் நனைந்த நன்றி…………

….